Forumi Zeri YT!identifikimi

Zeri i çdo shqiptari ne internet


Nga krijuesit tane

Share

descriptionLotojNga krijuesit tane

more_horiz
HAJDIN ABAZI

MESNATË

Derën po na e kafshojnë ulërima sërbe
dhe kondakë.

përjashta
çirret vdekja.

Nata po fshihet nën veladon të tmerrit.

descriptionLotojRe: Nga krijuesit tane

more_horiz
DIAMANT ABRASHI
VJESHTË NË MUA

Jam i helmuar nga vjeshta
si gjethi që lëkundet para se të bjerë
si skeleti që lëkundet
pa gjethet e blerta
në sfondin e largët
pranvera ma shkel syrin.

descriptionLotojRe: Nga krijuesit tane

more_horiz
FLUTURA AÇKA

LUTJE DIMRI
Këta qiej
si murgj të mardhur vetmie.

Se nga bredhin
të pa strehë
andej këndej.

Bëni pak vend
në zjarrin e natës
të ngrohen
këta qiej
Bëni pak vend.

descriptionLotojRe: Nga krijuesit tane

more_horiz
IBRAHIM GOSTIVARI

SYRI BOSH
Syboshur pres ngahera,
pa ty dora krejt mu m´pi
Diell kanë dhe gratë e tjera,
por s´më ngrohin kurrë si ti.

descriptionLotojRe: Nga krijuesit tane

more_horiz
DRITËRO AGOLLI
SHTËPIA E SAKATËVE

Kjo shtëpi e mbushur me sakatë:
Njëri çalaman,i verbër tjetri:
E mërzit të çalin kollë e thatë,
E mundon të verbërin diabeti.

Unë i njoh e miq i kam të gjithë,
Por mes tyre hesht e s´flas një fjalë
Vjen mëngjesi,ngryset dhe një ditë,
Nata mban një shkop e bredh e çalë.

descriptionLotojRe: Nga krijuesit tane

more_horiz
RIAT AJAZAJ
TROKITJA
E shpikën derën
të hyjë kush
apo që dikush
të mbesë jashtë.

descriptionLotojRe: Nga krijuesit tane

more_horiz
VALDETE ANTONI
*****
Ik,ik!
Pse vjen që të ikësh?
Më mirë ik,
që të vish!

descriptionLotojRe: Nga krijuesit tane

more_horiz
FATOS ARAPI
DHE AJO ERDHI
Ishte e gëzuar,
vallëzonte,-
dhe e lumtur si një dritëz që ecën në errësirë,
hyri në fatin tim tragjik
prej njeriu.

descriptionLotojRe: Nga krijuesit tane

more_horiz
BEATRIÇE BALLIÇI
HARPA
Vajzë e rekur isha
Një harpë se ku binte
Saherë flokët krihja.

Thinjën e parë mes gishtash
E prek tani me ngadalë
Dhe s´ndjej asgjëkundi më harpë.

descriptionLotojRe: Nga krijuesit tane

more_horiz
ARIF BOZACI

KOSOVA
Flutur e burgosur
Letërnjoftim i gjakut tim
Kartolinë e paqës në një fjalë.

descriptionLotojRe: Nga krijuesit tane

more_horiz
FLORA BROVINA

FëMIJA ME BALONA

I pari u shpua-ai u zbeh
I dyti u shpua-ai u skuq
i treti u shpua-ai qau.

me copa të kuqe në duar
fëmija vrapoi dikah

e kalimtari i rastësishëm kurrë s´e kuptoi
vajin e fëmijës për balonat
dhe shikimin e lagur mbërthyer largësisë.

descriptionLotojRe: Nga krijuesit tane

more_horiz
SELAJDIN GASHI
E PANJOHURA
Nuk ia pashë
Fytyrën prej njeriu
Këtij zjarri misterioz.

descriptionLotojRe: Nga krijuesit tane

more_horiz
RRUSTEM GECI

SHIU

Çfardo që të jenë stinët,
Shiu mbetet
ajër i perëndishëm
Mbushur me aromë dhe jehonë...

descriptionLotojRe: Nga krijuesit tane

more_horiz
ZEQIR GËRVALLA

SHPRESË

edhe sikur koha
çdo ditë
të na dhurojë
vetëm një varg
krijimi i një vepre të re
së´shtë larg.

descriptionLotojRe: Nga krijuesit tane

more_horiz
SARË GJERGJI

MEDITIM MBI VDEKJEN
S´desha të them
se njerëzit kanë nevojë për kurriz
në mungesë të Atdheut
himni i vdekjes shkruhet.

descriptionLotojRe: Nga krijuesit tane

more_horiz
HAMZA HALABAKU

ULPIANË
Je bregu i dëshiruar
Përgjatë lumit të ëndrrave
Kaltërsi etjeje
Ajër farfuritës.

Je rrjedhë ditësh
E ngaherë
Ylber dëshire.

Agsholi
Dita
Ëndrrimi
Kanë fytyrën tënde,Ulpianë
Dhe amshimin e dashurisë sime për ty.

descriptionLotojRe: Nga krijuesit tane

more_horiz
FASLLI HALITI

LIGJI
Ligji
Është si qeni,
S´e ha kurrë të zotin.

Qentë po hanë popullin...

descriptionLotojRe: Nga krijuesit tane

more_horiz
DASHNIM HEBIBI
KOHË MODERNE
Mbrëmja vrastare zgërdhihet përçmonjëse
mëngjesi i përvuajtur po vajton vetveten
është me jetën kjo kohë apoështë me vdekjen?

descriptionLotojRe: Nga krijuesit tane

more_horiz
Bajame Hoxha


DASHURI

Kur jam me ty,
Bota është e imja.

Kur je larg meje,
S´i takoj as vetes.

descriptionLotojRe: Nga krijuesit tane

more_horiz
XHEVAHIRE IMZAKU

PËR TY
S´kuptohet kjo gjuhë heshtjeje
as shikimi i ndrydhur tek mungesa
kanë ndërruar vetëm stinët
e ne vendtakimin padashur kemi humbur
derisa vetmia mplaket
pa kuptim.

descriptionLotojRe: Nga krijuesit tane

more_horiz
Drejtat e ktij Forumit:
Ju nuk mund ti përgjigjeni temave të këtij forumi