Forumi Zeri YT!identifikimi

Zeri i çdo shqiptari ne internet


Nga krijuesit tane

Share

descriptionLotojRe: Nga krijuesit tane

more_horiz
Ferit RAMADANI:


GURRË QE S'NDALESH PËR LIRI

( I kushtohet mësuesit Avni Elmazi )

Shpalove papritmas kujtimet -
që i ruanim për ty-
Avni Vëlla!
Legjendë qëndrese!

Ballëpërballë vdekjes-
sërish i ri,
T'i që mbolle -
dritat e një shprese!

Sa herë iu ktheve urtisë
o trim,
t'i flasish me guxim -
në pritë,
dhe atëherë kur errësira
zu çdo agim
për ne -
kurrë t'mos kishte dritë!

Në grilat e hekurta -
Vigan i mberthyer
shndërrove kujtimet
në legjendë !

Se kohën deshën ta ndalin -
e thyen,
për ne te kishte plagë
e brengë!

Por,ti shqiponjë krahhapur
s'ke vdekur
dhe qëndron përpara nesh-
Avni trimi!

Na flet të jemi sëbashku
zemërhekur,
për këngën e gjatë
të një kushtrimi!

Dhe na prin sot e mot-
ndër brezëri,
rretherrotull Atdheut tonë
të ndarë!

Edhe në varr - ti Gurrë që s'dalesh
për Liri,
e ne - të plagosur për Ty,
e që të patëm - krenarë!

__________________

descriptionLotojRe: Nga krijuesit tane

more_horiz
Ferit RAMADANI

NË ANIJEN ''LIBURNUM''

(Pezia është shkruar më 12 shtator 1993,
në vijën Durrës - Bari - Durrës, në Adriatik,
ku u mbajtë përvjetori i vdekjes dhe përurimi
i veprës së Avni Elmazit " Idrizova shtëpia e ferrit "


Pas një viti vdekjeje-
Mësuesi Avni,
Njeri -Libër shkonte në mërgim,
atje -
ku vëllezërit mërgimtarë
porositë e tij
i ruanin - kujtim !

Pas një viti vdekjeje
nga misteri,
në përkujtim -
te përmendorja iu nisën
t'ia thonë lavdinë shokët e burgut !
T'i thonë :
- Ne kurrë s'të braktisëm !

As në Idrizovë, në shtëpinë e ferrit
as midis detit s'na ndan furtuna !
Prej vëllaut, prej mësuesit,
Shkrimtarit, poetit...
që kurrë s'u mposht
nga burgjet , nga dhuna !

Gjithë jetën e tij
kulshedra sllave
kurdisi e ngriti ustallarë të territ !
Dhe këtë herë -
në pritë mizorët
ia kurthuan shokët,
dhe librin :
- Idrizova - shtëpia e ferrit !

Dhe grindeshin dallgët me " Liburnumin "
që ia kthente vëllezërit -
nga mort Përvjetori !
Nga Bari ku vranë Luigj Gurakuqin !
E vranë ! Por, s'vdiq dëshmori !

Edhe mort Përvjetori -
për Avni Elmazin
u mbajtë ! Në Liburnum !
Nuk mbeti pa shënim !
Idrizova - shtëpia e ferrit
u shndërrua në jehonë urtie
dhe kushtrim !

Në anijen Liburnum
në mes Adriatikut
ku grinden dallgët,
e buçima - ngjitej në lartësi,
Kapiteni Franc e kuptoi se armikut,
Avni Elmazi -
i zgjohej përsëri...!

Poezinë e botoi Tribuna - SH , 1 janar 1994, Shkup

__________________

descriptionLotojRe: Nga krijuesit tane

more_horiz
ZAIM BEQIRI :


VARGJE KUSHTUAR AVNIUT

(Qëndrimi i matur dhe burrëror i Avniut
e kishte merituar edhe një emër.
Ne të burgosurit në burg e thirrnim :
G J Y S H I )


Linde në ditët e stuhishme
Jeta t'u bë plot stuhi
Ti do të rritesh edhe më,
O i dashuri Avni !

descriptionLotojRe: Nga krijuesit tane

more_horiz
NË "SHLLAJFERNO" TË IDRIZOVËS

( Avni Elmazit )

Qysh si fëmijë -
e dëgjova këngën për Ty
Në odë të burrave -
jehonte kushtrimi .
Atje në male - në vetmi
në log -
fitonte Avni trimi.

Avni !
Tek makina ta lexova emrin
atje ku punuam ne të dy !
Në "Shllajferno " që ata e quanin
dhe vriteshi të ri !

Pas burgut sërish u takuam,
Sërish mu duke shumë i ri
pluhuri s'të dëmtoi , Avni,
se më i fortë ishe ti !

Sytë liqej malesh të mbetën
ferri s'ti lodhi assesi,
n' Itali të dy i mbylle
se hasmi -
të përcolli ty !

Legjendë u shndërrove
ndër brezëri
Avni ! Martir i qëndresës !
Kushtrim urtësie për liri
për ditët tona të shpresës...!

descriptionLotojRe: Nga krijuesit tane

more_horiz
Hamdi ISLAMI :


LAJMI PËR NJË METEOR

( Martirit Avni Elmazi )


Nuk deshëm kështu të të njohim Avni Elmazi
me ftesat që na i prunë në këtë përvjetor
se s'ishte kjo thirrje të të mbështjellë gazi
por ishte lajmi për një meteor.

Ne morëm udhën e largët të vijmë,
të kalojmë fusha, gryka e male
për disa çaste me ty të rrijmë
siç rrijnë njerëzit që kanë shumë halle.

Dhe do të rrijmë me ty, me kujtimin tënd
këtu ku kokën përgjithmonë ke vënë
bashkë me nderimin , aty në një kënd
lule, zemër e vargje do të vëmë !

Do të lëmë për ty martiri Avni
se dhe ti ke lënë këtu për t'na mbledhë
t'i biem mu në kokë gjarpërit të zi
që helmin midis nesh mos e derdhë !__________________

__________________

descriptionLotojRe: Nga krijuesit tane

more_horiz
Arianit RAMADANI :


KËNGA E QËNDRESËS

( Poetit Avni Elmazi )

Ti kënga e jonë e qëndrimit,
vigani i shtigjeve - rrëfimit !

N' Idrizovë jehonë lirie
varg i lirë i një brezërie !

Në vargje ngritur - Shtëpi e Ferrit
nga bijtë e shqipes, trim i Skenderit !

Rrethuar në pranga e n'robëri
të pathyer për Arbëri !

Shkamb më shkamb e mal më mal
kënga jote - ideal !

Na jep shpresë ta ruajmë Sërmnovën
ta kthejmë n'zemër si Libohovën !

Që Lindi e rriti Avni Rrustemin
Për ta mposht Esat veremin !

E ti vëlla Avni Elmazi
këngë qëndrese për shtypësa Kaukazi !

descriptionLotojRe: Nga krijuesit tane

more_horiz
Isa S A D I K U :


VARGJE PËR AVNI ELMAZIN


I heshtur dole si gjithmonë
por u ktheve në jehonë

Avni vëlla sot - tribun rrite
kënga jote rreze drite

Vepra jote flamur qëndrese
vigan madhi i një shprese

Dole nga ferri i Idrizovës
Avni Rrustem i Sërmnovës

Se çdoherë - mposhte tradhëtinë
që ne ta gëzojmë Pavarësinë !

descriptionLotojRe: Nga krijuesit tane

more_horiz
17.02.2008, në Restoran sapo u ulëm
ia arriti një mesazh nga naqeta !

Ti je per te gjithe, une vetem per ty. naqka budallja
__________________

descriptionLotojPLAGËHAPURA SHQIPËRI !

more_horiz
Alma Papamihali

Me dhemb Gerdeci ne trup


Me dhemb Gerdeci ne trup,
Vajtoj une,
Bije e plagehapures Shqiperi.
Ah i mjeri popull,
Nder shekuj s´gjete qetesi.

Me dhemb Gerdeci ne trup,
Vajtoj une,
Bije e Shqiperise zemervrare,
C´plage te dhemb me shume,
Cilen te te qaj me pare?

Me dhemb Gerdeci ne trup,
Vajtoj une,
Bije e Marsit te tymosur.
C´pranvere pret më o Shqiperi,
Kur trupa njerezish te jane hirosur?

Dhembin plaget ne trup shqiptari,
Vajtojne zemrat,
Qe bijte e Gerdecit i shtuan,
Sot nga Tirana, gjer ne Prishtine,
Gjakun e tyre dhuruan.



16 Mars 2008

descriptionLotojRe: Nga krijuesit tane

more_horiz
Hiroshima ime Shqipëri !

Sa nisën bulzat të të sjellin blerimin
e kënga të jehojë për ne : Nënë Shqipëri !
Ustallarët e krimit e ndozën fitilin
të bëhesh feniks që bleron në hi!

Sa shekuj në përballje me zjarrin
sa shekuj do të keshë tiranë ?
Ata prej qielli të erdhën jetë të të marrin
e tash të shpërthyen vullkanë !

Kush harton plane të të hapë plagë
dhe vdekjen kush ta vari kurorë?!
Mizorisht misteri - të derdhi flakë,
shkrum e hi të bëhesh në orë !

Të hapën plagë, vdiqën dhe u plaguan
shqiptarët tu që i përkulen uratës!
Do të bëhesh më e fortë se të gjithë luftuan
t'i shpëtojnë zjarrit, t'i shpëtojnë mandatës!


Shqipëri o Hallemadhja jonë e agimit
edhe kjo gjëmë të lindi trima,
Ec në shekuj - t'ia shkruash rrëfimit
Se kalove tmerrit si Hiroshima...!

descriptionLotojRe: Nga krijuesit tane

more_horiz
Gjakush TANA :


E SHTRENJTA - SHQIPËRI E SHENJTË !


Më gulon shpirti nga plaga që tu shtua
nga flaka e zjarri që hi të bënë !
E shtrenjta - Shqipëri e shenjta ime
Të dua siç e do fëmija një nënë !

Jam shumë i vogël s'mund të bëj më tepër
në kurtha robërie shtati më vyshket
Se më lindën dhe vdiqën prindërit e robëruar
kufirit akoma teli gjembor s'i ndryshket !

Na vrasin , burgosin e na përndjekin
ata që mbetën në shekuj tiranë!
Janë futur në hapsirën tënde djajt,
dhe mizorisht nga nëntoka të vranë !

Një muaj sa e bëri Pavarësinë Kosova
Një muaj tiranët krijuan strategji !
Nuk duruan! Se gëzimin që dëgjova,
e kthyen në zjarr, shkrum e hi!

Janë të tmerrshëm ustallarët e krimit
gjithkah kanë vënë spiranca detonimi !
Ata s' bëjnë gjumë e nuk u dhimbset
E shuajnë çdo gjë , t'mos bëhet Bashkimi!


17 mars 2008 , Uskanë

descriptionLotojRe: Nga krijuesit tane

more_horiz
Agim DOCI :


RROFTË SHQIPËRIA!

Rroftë Shqipëria e lirë
dhe e minuar!

Rroftë Shqipëria e kioskave,
e vjedhur dhe e përcëlluar!

Rroftë Shqipëria e krisur në tru,
e goditur në zemër,
as mashkull as femër!
E tenderuar nën lëkurë,
Rroftë Shqipëria që nuk vdes kurrë…
E plagosur nga gazetat,
nga ethet E PUSHTETIT e sëmurë...!?

Rroftë Shqipëria e ndotur,
dhe e përlotur.
Nga deti e mallkuar,
e palarë, e parruar..e minuar!

Rroftë Shqipëria natyrore që po harrohet,
që trishtohet edhe kur dashurohet(!)

Rroftë Shqipëria moderne
që fle mbi mina dhe ...dafina!..
Që s‘e ka me hak!
Me absurdin Tender dhe Gjak!

Rroftë Shqipëria "lugat"
Magjia që mbijeton
me korrupsion!
Shqipëria me 3 Fé,
që trembet nga ne!

Rroftë Shqipëria - Atdheu i fëmive!
Shqipëria e 3 milion Partive!

descriptionLotojRe: Nga krijuesit tane

more_horiz
Agim METBALA

--------------------------------------------------------------------------------

MË SHUMË SE DHEMBJE

Gërdec, mbështjellur në flakë,
Gërdec, i larë në gjak,
Gërdec, nga britmat i shurlluar -
Gërdec, me dhembje mbuluar...
.................................................. ..

Nga nëntoka, lëvizën monstrumët e kuq
Të ngjizur me grushtin e shtrënguar
Të rritur nga pakujdesia e skajshme
U lëshuan në ritualin e lugetërve
Me fuqi të dinozaurëve
Duke vjellur tym e flakë në mënyrë serike
U binin copat si pjesë të kometës
Horizontalisht, vertikalisht
Majtas, djathtas, pjertas...
E gërdecasit mburrojë e gjallë...
.................................................. .................

Më dhemb secila qelizë
Më dhemb secili ind
Sytë më kanë humbur drejtëpeshimin
Nga pamjet e tmerrshme të Gërdecit
Ritmi i zemrës më ndërrohet orë e çast
E ballin ma përshkon djersa e ftohtë
Nga skenat e llahtarshme të Gërdecit...

Gërdec, mbështjellur me flakë,
Gërdec, i larë në gjak,
Gërdec, me britmat i shurlluar -
Gërdec, me dhembje mbuluar...

16.03.2008

Përgëzojë të gjithë poetët që i postuan poezitë e tyre, që në momentin më të vështirë të jetës së gërdecasve, ndanë dhembjen e sinqertë, dhembjen nga shpirti.
Më përlqyen të gjitha poezitë dhe secila në mënyrën e vet, më ka prekur thellë.

descriptionLotojVARGJE ANTOLOGJIKE TE KOHES !

more_horiz
Hani,pini dhe rrembeni,mbushni xhepe,mbushni arka,
te pabrek ju gjeti dreka,milioner' ju gjeti darka!
Hani,pini e rrembeni,mbushni arka ,mbushni xhepe,
gjersa populli bujar t'ju pergjigjet peqe,lepe!(urdhero,siurdheron)

Ali Asllani

descriptionLotojRe: Nga krijuesit tane

more_horiz
Lanë mëmën të xhveshur
Dhe mundohenë për botë,
Pa dhe bota duke qeshur
U thotë: mundohi kotë!

Ali Asllani

descriptionLotojRe: Nga krijuesit tane

more_horiz
feneri shkruajti:
Lanë mëmën të xhveshur
Dhe mundohenë për botë,
Pa dhe bota duke qeshur
U thotë: mundohi kotë!

Ali Asllani


Korrigjim: Naim Frashëri

descriptionLotojRe: Nga krijuesit tane

more_horiz
0, si nuk kam një grusht të fortë
t'i bij mu në zemër malit që s'bëzanë,
ta dij dhe ai se ç'domethanë i dobët -
n'agoni të përdihet si vigan i vramë.

Migjeni

descriptionLotojRe: Nga krijuesit tane

more_horiz
Më di a nuk më di se qaj,
më di a nuk më di se vuaj
në orët e thella të natës,
kur ngrihem i çmendur të shkruaj
me gjakun e zemrës të shkruaj.

Mitrush Kuteli

descriptionLotojRe: Nga krijuesit tane

more_horiz
Cilët bij të trathëtuan
Dhe të doqnë dhe të shuan
Dhe të lan', o Shkab' e ngratë
Pa fole, pa zog, pa shpatë?
Këta qena, o shok' i mbytni,
Mbushni gjyle që t'i shtypni.
Mbahu, Nëno, mos kij frikë,
Se ke djemtë n'Amerikë.

NOLI

descriptionLotojRe: Nga krijuesit tane

more_horiz
Ti, prej eshtënsh t't' ngratë Shqiptarëve,
qi bânë dekën për dhé t' Parëve,
bân sot t' bijnë fatosa t' ri,
t' cilt nji troe t' kësajë Shqipní
mos t' ia lanë Shkjaut n' dorë me i rá 55
krejt në gjak nji herë pa e lá !
Lum, oj Zana e Veleçikut,
qi m' ia lëshon ti namët anmikut,
qi m' i uron djelmtë e Malsisë,
qi m' ia kjanë hallin Shqipnisë ; 60
kësaj Shqipní e cila motit,
n' zâ kah pushka e besa e Zotit,
pat kenë çmue prej fisesh t' tana
kah bjen dielli e kah merr hana

Fishta

descriptionLotojRe: Nga krijuesit tane

more_horiz
Drejtat e ktij Forumit:
Ju nuk mund ti përgjigjeni temave të këtij forumi