“Kënga Magjike”, nisin pranimet e këngëve


Jemi ende në muajin prill dhe stafi realizues i festivalit Kënga Magjike ka nisur nga puna. Kanë filluar tashmë pranimet e materialeve muzikore, ndërko hë që pas pak kohësh do të nisë transmetimin dhe spoti televiziv. Këtë sezon, të gjithë të interesuarit mund ti dërgojnë materialet e tyre muzikore edhe nëpërmjet internetit, ndërsa data përfundimtare e dorëzimit të këngëve on-line është data 10 Shtator 2008. Për të gjithë ata që krijimet e tyre duan ti çojnë pranë sekretarisë përkatëse, pranimet bëhen në datat 8, 9 dhe 10 Shtator, pra disa muaj më vonë. Seleksionimi përfundimtar i këngëve shpallet në datën 15 shtator dhe duke iu referuar parashikimeve, netët finale të këtij festivali janë përcaktuar në datat 20, 21 dhe 22 nëntor 2008. E pra, producenti dhe shefi i këtij konkursi muzikor ka nisur që tani nga puna, për të bërë përgatitjet dhe organizimet përkatëse në pritje të edicionit të ri të Kënga Magjike .