Spaleti dorëzohet: Interi tani është i pakapshëm

Pas Françesko Totit, tani është Luçiano Spaleti ai që i dorëzon titullin kampion Interit. Kur duhen edhe katër javë deri në përfundim, zikaltërit kryesojnë me 6 pikë diferencë nga Roma e vendit të dytë, gjë që praktikisht e bën të pamundur ndjekjen e tyre. “Ne kemi detyrë të provojmë, por gjërat s’janë më njësoj”, tha me pesimizëm Spaleti. Trajneri i Romës tha se skuadra e tij do të përpiqet t’ua shtyjë festën zikaltërve, ndonëse e di se në fund ajo do të bëhet. “Pasi, me 99 për qind, Toti ishte realist kur tha se Interi është i pakapshëm”, deklaroi tekniku verdhekuq. “Kemi një avantazh të mirë me Juventusin, kështu që situata nuk duhet të krijojë tensione të kota”, përfundoi Spaleti.