Forumi Zeri YT!identifikimi

Zeri i çdo shqiptari ne internet


Shaban Cakolli

Share

descriptionShaban Cakolli

more_horiz
[d]DARDANË-RUBRIKA IME E POEZISË[/d]

KA KOHË
silent

Ka kohë
që jam duke u ngjitur
Lugut të Blertë
të Gërmisë.

Ka kohë që ujë pi
në krojet e fëminisë.

Ka kohë që më janë ngatërruar kohët
dhe nuk e di kur fillon ekur mbaron
Ëndrra.

descriptionRe: Shaban Cakolli

more_horiz
ARBËRIA
Më e moçme se Hëna është Arbëria
rrënjët i shtrin
tek mitet ilire
ku përendesha Dea
qumësht i jep
gjarpërit të shtëpisë.

Ëndërrat arbërore
me Qerren e Diellit
udhëtojnë
për të pushuar
në svastikën
e djepave tanë.

Derisa flenë arbërorët
dy shqipe të pagjuma
ëndrrat nai ruajnë
netve me hënë.

descriptionRe: Shaban Cakolli

more_horiz
DARDANIA
Ja këto janë ato vise
ku pemët piqen në dimër
e lulëzojnë në verë.

Fëmijët dardanë
këmbëzbathur ecin
nëpër acarin eshekujve
për të arritur
në tokën e premtuar.

Kjo tokë është Dardania
e gdhendur në atë mburojë
që e mbajnë
luftëtarët e saj
nëpër betejat që sí regjistroi
historia.

descriptionRe: Shaban Cakolli

more_horiz
Z. Shaban Cakolli te pershendes per vargjet dhe te falenderoj qe po i poston ne forumin tone
Je i nderuar.

descriptionRe: Shaban Cakolli

more_horiz
Përshëndetje i nderuar,flm,do të bashkëpunojmë
rrespekt.

descriptionRe: Shaban Cakolli

more_horiz
PLAGA E KURBETÇARIT
Është plagë
e nuk mbyllet kurrë
as në zemër,
as në shpirt.

Stinët ndërrojnë,
datat në kalendar,
akrepat qarkojnë
rrathët e ferrit,
koha rri e ngrirë
në kujtime.

Plaga ime kullon
gjak
pika-pika
mbi kujtime.

descriptionRe: Shaban Cakolli

more_horiz
SHAMIJA
Ma dha shaminë
që pat fshirë
lotin që ia shkrumboi faqet.

Kur u zgjova nga gjumi
më te i fshiva kujtimet
e lëndimet e zhubrosura...

Po njelmësinë e mërgimit,
me se do ta fshija,
me se do ta hiqja?

descriptionRe: Shaban Cakolli

more_horiz
RASAT E MËRGIMTARIT

Një jetë e nemur
e lakuar nëpër
rasa.

Në emërore:Iliri!
në kallëzore:Dardani!
në rrjedhore:Kosovë!

Thirrorja është zhdukur
se nëna s´na dëgjon.

Emri ynë
edhe sot lakohet
nëpër histori.

descriptionRe: Shaban Cakolli

more_horiz
NË KUJTESË

Dikush qan
mos po qaj unë?

Me ninullat të bukura
mí ndizte nëna
dhe qirijtë qiellorë
mbi kokë.

Mbi kokë
pleqëria se ç´mi shkundi
borërat e Sharrit
e duke bredhur meridianeve
ninullat e nënës s´mú ndanë.

Dikush qan,
mos po qaj unë?

descriptionRe: Shaban Cakolli

more_horiz
DITË E VONUAR
Si pikë uji nga shkretëtira
bëhu oazë
dhe mbushi burimet
që t´i freskosh zemrat e djegura
nga vapa qiellore.

Dhe eja
ditë e ëndrrave të bardha.

descriptionRe: Shaban Cakolli

more_horiz
NË BRENDI
E sotmja
qan të nesërmen
të dyja në shpirtin tim ndeshen,
unë mes tyre përpiqem
të arrij triumfin.

descriptionRe: Shaban Cakolli

more_horiz
BOTA E MASKAVE
Është bërë bota si laraska
krijon fytyra me dy maska,
një dje,
tjetër sot,
nesër duket si robot.

descriptionRe: Shaban Cakolli

more_horiz
BOTA E TJETËRSUAR
Shekuj me radhë
po lind
ëngjuj dhe tiran.

Rruga ku takohen
shtruar me të zeza
mbretëri e tyre
shtrihet në varreza.

descriptionRe: Shaban Cakolli

more_horiz
DHEMBJE

Ngricë përjashta e ngricë përbrenda
Ku të gjejnë zemrat pak ngrohtësi
dashuria ku do të shkrijë?

Duke pritur ata që ikin
duke pritur ata që s´vijnë
më të vocërr po bëhen fëmijët

Po Gjeto Basho Muji kur do ta kapë thikën
për ta mbytur frikën?

descriptionRe: Shaban Cakolli

more_horiz
MALLI
Kur e lashë shtëpinë
dhe ika nëpër botë
nëna deri te pragu i shtëpisë
më përcolli me lotë.

Ika unë i mjeri
nëpër baltë e terr,
nëpër shteg ylberi
vajta drejt në ferr.

Dielli rri i ngrirë
në qiellin e huaj
duke ma ngrohë jetën
me javë e me muaj.

Rrudhat e pleqërisë
s´ma shuajnë atë zjarr
që në vendin tim
të kem një copë varr.

descriptionRe: Shaban Cakolli

more_horiz
REFREN KURBETÇARI

Kafka të ngjitura për lëkurë
që jetën se shijojnë kurrë
duke kujtuar lodrat e fëminisë
vrapin e fëminisë në fushë
mallin që është përzier në këtë tymnajë.

Kush do túa ushqejë shpresën
ata që kurrë s´i sheh të qeshur,
Rini e mbështetur për mur
deri kur?

descriptionRe: Shaban Cakolli

more_horiz
KROI I AHUT
Nën shiun plak
diku në mal
buron me curila
uji kristal.

Rrjedh uji ngadalë
malit tatëpjetë,
siç rrjedh nëpër vite
malli im për jetë.

Një ylber kujtimi
rrjedh nëpër mote
prej zemrës sime
deri te zemra jote.

descriptionRe: Shaban Cakolli

more_horiz
BYLBYL I LUMTUR
Ti në kafaz
e unë mes natyre
ti këndej
e unë matanë pasqyre.

Ti lart në qiell
e unë poshtë në tokë,
as për një shekull
s´bëhemi shokë.

Eja të ndërrohemi
për shekullin e ri:
unë pëllumb
ti bëhu njeri.

descriptionRe: Shaban Cakolli

more_horiz
PËLLUMB I HUAJ
Ai nuk e njeh
qiellin tim
që e ruaj në bebëz.

Di të fluturojë
vetëm mes reve me tym
që na i ngulfasin
mushkëritë tona fshatare.

Më kot shikojmë nga qielli
ai asnjë lajm nuk do t´na sjellë
nga shtëpitë tona mbuluar me mall.

Edhe gugatjen
e ka në gjuhë të huaj
As dreqi sí merr vesh
figurat që bënë
tek fluturon në qiell.

Më mirë është tía vënë
një degë dafine në sqep
dhe të lutemi të na sjellë paqe
në këtë globin tonë
gjysmë tokë
e gjysmë ujë loti.

descriptionRe: Shaban Cakolli

more_horiz
PARA XHAMISË SË MADHE
Në PRISHTINË

Në Prishtinë
para kafenesë"Besa"
Bërlyket shpresa për çdo ditë.

Para Xhamisë së Madhe
tubohet mëngjezeve rinia
për të shitur rininë e vet.

As me pishë as me qiri
kurkund s´gjen
mall më të lirë në treg.

descriptionRe: Shaban Cakolli

more_horiz
Drejtat e ktij Forumit:
Ju nuk mund ti përgjigjeni temave të këtij forumi