Formula 1, prezantohet makina e re Ferrari

Makina me të cilën do të garojë Ferrari në Botërorin e Formulës 1, që do të nisë më 20 mars është prezantuar  ditën e premte dhe quhet SF16-H. La Reppublika na njeh me imazhet e makinës së re.
Makina e re e Sebastian Vettel dhe Kimi Raikkonen, ka më shumë zona të bardha në lartësinë e saj dhe në kofanon e motorit, duke bërë që të ngjajë paksa me njëvëndëshet e viteve ’70.
Ferrari u prezantua nga shefi i skuderisë italiane, Maurizio Arrivabene, dhe është “Kokëkuqja” e parë që është realizuar e gjitha nën udhëheqjen e tij.
Debutimi zyrtar në pistë për Ferrarin e ri do të jetë ditën e hënë, në testet e Barcelonës