Nuk merrem me fillestarë

[You must be registered and logged in to see this link.]

Arta Bajrami, këngëtarja superseksi nga Kosova thotë so do i braktisë gjithë evenimentet muzikore për artistë që janë në "cicërimat e para"

Prej gati dy edicionesh rradhazi, ajo i ka munguar skenës së festivaleve të zërave të rinj si psh. “Top fest”. Një zgjedhje jo krejt rastësore, por e kushtëzuar nga disa faktorë që duket se e kanë shtyrë Arta Bajramin të marrë vendimin për të mos qënë prezente në këtë festival që synon zbulimin e gjenerimin e talenteve të reja. “Unë mendoj se në kësi festivalesh duhet të marrin pjesë këngëtarët fillestarë, që dëshirojnë të ngjiten në skenë për të krijuar një emër të mirë në muzikë. Dhe kjo është e provuar, për sa kohë që po i shohim të rinjtë e të rejat që performojnë në skenën e “Top fest”. Prandaj, dhe unë zgjodha që të mënjanohem duke qënë se tashmë e kam fituar famë në muzikë. Ndryshon puna për festivalin e RTSH-së, sepse aty konkurenca bëhet e gjitha për “Eurovizionin”, e për të çdo sakrificë do ja vlente”, thotë ajo për gazetën “Korrieri”.

Sapo ka publikuar videoklipin muzikor më të fundit me titull “Asnjë milimtër”. Një look i kuruar me kujdes, si një ndërthurje mes klasikes e ektravagancës është kjo zgjedhja e këngëtares, pasi siç pohon edhe ajo vetë, është tepër e vështirë që të dalë nga kornizat e zhveshjes nëpër klipe. “Duke qënë se shumicën e veshjeve i punoj vetë, sigurisht edhe në bashkëpunim me stilisten time Besën, gjithnjë jap mendimin tim mbi çdo detaj. Për mua është e pamundur që të shkëputem nga ekstravaganca, sepse është një linjë që më tërheq shumë. Por, unë gjithnjë në klipet e mia përpiqem që t’a alternoj edhe me stile të tjera, për të mos mbetur uniforme”, vijon ajo.

Në këngët e Artës, ka gjithmonë vend për dorën e të vëllait të saj, Don Arbas, një prej reperave më në zë të Kosovës. Kësisoj, me ndihmën e tij u bë e mundur që tek videoja “Asnjë milimetër” të ishte i pranishëm edhe Loco një nga hip-popistët më të famshëm që prej vitesh jeton në Zvicër. “Arbasi, përveçse është vëllai im është kompozitor e producent që mua më përshtatet shumë. Ai posedon edhe një studio muzikore që të gjithë në Prishtinë e njohin me emrin "Arba$ound". Aty prodhohet muzikë mjaft moderne dhe kualitative. Sa i takon Locos, ai ka jetuar në Zvicër për 14 vite, por tashmë është kthyer në Kosovë. Për mua është privilegj që e pata pjesë të videos muzikore”.

Në vrullin e punës ku ka qënë përfshirë këto ditë këngëtarja kosovare, ajo nuk lë pa përmendur edhe një nga çastet aq të shumëpritur, që vështirë se do i dalë nga mendja për një kohë të gjatë. “Ishte një ditë krejt e veçantë që nuk përshkruhet dot më fjalë. Populli i Kosovës, ka kohë që e pret këtë ditë dhe 17 shkurti mendoj se ka sjellë gëzim tek gjithë shqiptarët kudo ndodhen. Ne nuk duhet t,i harrojmë kurrë heronjtë tanë dhe luftën e UÇK-së sepse vetëm kështu do të jemi më të afërt me njëri tjetrin, do jemi më të bashkuar dhe do dimë t’a çmojmë lirinë që e gëzojmë sot. Personalisht, jam ndier shumë e nderuar që këndova para gjithë atij populli për pavarësinë e Kosovës. Në sheshin e Prishtinës ishte goxha ftohtë atë ditë, po gëzimi më ngrohu aq shumë saqë si kam ndier aspak temperaturat nën zero”, thotë Arta.

Këngëtarja që ka krijuar rreth vetes, jo pak admirues me hitin “Ndoshta” me të cilin u prezantua në “Top Fest 3”, mometalisht po shijon suksesin e hitit më të ri, ndërsa ka lënë jashtë axhendës së saj pjesëmarrjet nëpër festivalet që zhvillohen këtu në kryeqytet, pasi ka nisur të besojë se ato janë formate për fillestarët. Këtë të fundit e pohon me gojën e saj…[img]